荔枝王成員:
RIZ:主音及結他手,荔枝王發起人,與荔枝王風雨同路七年時間
G:女主音
MAN:鼓手
BRIAN:結他手
W:Will.C
W:KING LY CHEE係依家依刻,有啲咩訊息最想帶俾人?
RIZ:阿G頭先都話喇,我地每年都有成員放棄,因為自己嘅REASON,例如返工等等,我依家最大嘅BELIEVE就係話俾人知唔好咁易放棄!起碼啲年青人見到我地嘅時候會話:[喂!阿RIZ都搞咗荔枝王7年喎,又要返工、又要夾BABD、又要讀書,如果佢做到我地都應該做到喎!],我認為起碼啲人可以咁諗!其實我唔係話易架喎,好辛苦架喎!真係超辛苦呀!但當你真係好BELIEVING你嘅音樂,好BELIEVING你隊BAND嘅目的嘅話就唔會咁易放棄,至少我自己係囉,我永遠都唔會放棄依隊BAND!好清楚我地依隊BAND係做到啲野出嚟,或者我地隊BAND永遠都賺唔到錢,但係無所謂!因為我地知道我地喺到可以激發好多年青人嘅話,佢地可以見到我地ON STAGE都仍然係咁熱情,就算換咗人無放棄過嘅話。
G:同阿RIZ所講嘅都係一樣,見到好多人放棄咗,咁我地都覺得可惜囉,而我地想帶出嚟嘅訊息就係唔好咁容易放棄,因為放棄咗無人可以幫到你,唔好淨係話夾BAND,即使生裏面我地都成日會遇到困難,好多好容易令我地妥協嘅事,但其實無論如何都唔應該放棄。第二就係我覺得好多人都睇少自己,覺得自己係咁架喇,覺得香港係咁架喇,搞咁多野做咩呀?!其實我覺得唔應該係咁囉,係我地出TOUR嘅時候可以睇到我地做到依樣野,之前試過同一隊美國幾大型嘅PUNK BAND去到椰加達,見到有幾萬人嚟到睇我地,其實我地做到嘅野每個人都可以做到囉!特別係女仔,好多女仔都覺得夾BAND依啲野係男仔玩之麻,依啲果啲由男仔做喇!我地女仔淨係坐係到咪得囉,坐係到HEA得架喇,其實唔係樣囉,我地可以做好多野出嚟去話俾人聽,我地係得嘅!亞洲人係得嘅!女仔係得嘅!依啲就係我想講嘅野!
MAN:RIZ同荔枝王俾到我嘅訊息就係要OPEN囉,做人要開放,點解我會睇到依啲野呢?因為係好多年前RIZ搞咗一個音樂會,將HARDCORE、PUNK、METAL擺埋一齊,從果件事我睇到荔枝王佢(正)嘅地方就係開放!或者你可以係我地嘅WEBSITE入面見到我地寫嘅野睇到,大家諗嘅野都係好OPEN,OPEN TO大家嘅諗法,OPEN TO大家對我地嘅評價,我認為依樣就係荔枝王想帶到俾大家嘅野,如果個個都係咁OPEN嘅話,依個世界將會非常之咁美好!
BRIAN:其實基本上都講晒架喇,我地嘅MESSAGE就係我地對社會嘅睇法,我知道的確有好多BAND都做緊依樣野,對社會帶出唔同控訴,但我地除咗想係依隊BAND講依樣野之外,其實我唔單止想表達囉,我直情係想搞一啲FUNCTION出嚟,可以俾人去參與,因為實在太多喇,週街隊隊BAND都係X人架喇,我唔想淨係做依樣野囉,即係好簡單,比如禮拜一咁(4th June 07),唔好話用KING LY CHEE或咩名義去參加遊行、追悼會,但係我地希望有啲野可以做到出嚟,唔單止係提出問題而係去做一啲野出嚟!!
RIZ補充:我地聽日(4th June 07)有一個六四嘅FUNCTION,我地都唔會話迫我地嘅支持者一定要嚟,即係唔會話你支持KING LY CHEE就一定要嚟,比如你話:[我唔去呀,吹咩?],唔緊要架,我地只係想帶一個AWARENESS出嚟,俾人知道有個咁嘅FUNCTION,我地可以介紹下依個個FUNCTION講啲咩、關於啲咩,如果你支持依個FUNCTION咪過嚟囉,就正如聽日八點半係維園嘅六四追悼會,鐘意咪過嚟囉!
W:可唔可以講下你地對現時香港流行樂壇嘅睇法??例如好係你地所講,太過商業化等等?
RIZ:我覺得而家POP MUSIC果班人全部都應該聽多啲恭碩良、SOLAR同聽多啲黃貫中囉,依啲人先係真正嘅POP,BECOZ佢地唔覺得POP係一個好無聊嘅音樂STYLE。而其它歌手如果繼續咁樣出碟會ALREADY TURN OUT好多想聽音樂嘅人,比如我好細個已經聽音樂,我對POP唔係反對架喎,我都好鐘意POP,不過點解我咁反對廣東POP呢?因為佢地真係超級無聊!聽到佢地無EMOTION架喎,啲歌都唔係佢地自己作,音樂唔係自己作OK!但係連歌詞都唔係自己作!咁你唱咩呀?你即係唱緊第二個人嘅EMOTION出嚟,都唔係你個EMOTION,你咁你點樣唱出嚟啫?你唔係用自己嘅EMONTION作詞,唔係表達你自己,要第二個人幫你表達,咁你不如叫果個唱喇!咁樣會好啲!YOU KNOW,咁你繼續行落去時佢地又繼續聽依啲音樂!即係好似阿MAN話齋:[做隻狗做隻貓!],嘩!一聽到真係想發嬲!爆炸咁嘅感覺!CANT STAND依啲歌!開始會諗香港究竟有無POP歌係正架?跟住行行下街又會聽到阿PUAL有首歌喎,感覺又好似有番啲希望,好似SOLAR出碟嘅第一首歌我已經覺得好正!感覺有啲人、有啲BAND可以代表到廣東POP歌!真係要100%支持囉!全地球都應該去支持依啲人!(正)嘅POP音樂YOU KNOW!
G:講咗控訴先喇,就係唔好將藝術同商業放埋一齊,比如有好多歌星會同人講我係ARTIST嚟架!其實係咪一個ARTIST大家有眼睇到,我地依家流行樂壇做出嚟嘅野淨係可以(握)到細路仔囉!普通人同大眾佢地知道係咩一回事,如果佢地有聽外國野,再COMPARE番香港嘅野,自己其實都可以分析到底係咪垃圾嚟!聽下咪算囉!第二件事,覺得依家其實好咗啲,走出嚟用音樂表達唔同野嘅唱作歌手多咗,表達生活上嘅野多咗,唔係單係果啲情情塔塔嘅野!係有進步嘅,希望佢地係未來會更好喇!
MAN:好老實講,佢地應該反省下囉,點解咁講呢?因為睇番90年代啲天皇巨星,佢地可以係紅館開二、三十場,今日天皇L可能只可以開以六場,究竟發生咩事呢?首先當然係依家嘅香港樂壇多咗好多唔同ARTIST喇,令大家有多咗唔同嘅選擇,第二就係好似阿G咁所講,大家心裏都知佢搞緊咩同將會搞啲咩喇,再咁樣落去可能到時只可以開到一場、兩場!大家係時候諗下點解以前可以開三十場,仲可以場場爆!我相信唔可以再用以前嘅方程式行落去囉,依家係時候要進步。
BRIAN:香港樂壇呀?無嘅,好簡單!我得閒無野做又或者唔係咁舒服嘅時候,就會想聽音樂,聽啲好舒服嘅歌,純粹係一種EMONTIONAL嘅ENJOYMENT,聽完咪算囉!依個就係香港樂壇俾到我嘅野。仲有就係大家都唱K架麻,當然係有部份唔唱喇,但我係其中一個會唱K嘅人,香港樂壇就係可以俾到我唱K,幾好嘅係某程度上,但至於啲歌會唔會令到你去買正版呢?見仁見志囉!哈!講開又講,香港樂壇亦都俾睇到一樣野喎,就係原來香港人錄音真係好勁!如果對錄音有興趣或者有認識嘅朋友,都會知道有AUTOTUNE依樣野!果樣野真係好西利!基本上識講野已經可以錄到碟,例如講XXX嘅第一隻碟喇裏面,我已經聽得出用咗好多依個技巧,我真係學到好多野!(RIZ插嘴:[靚仔你好寸喎!]),我講事實啫!我唔係淨係話佢或者邊個人,佢只係其中一個啫。
RIZ:BRIAN講開錄音,我都有啲野想講,記得我地錄第一隻碟嘅時候,係喺Q SOUND到錄製,Q SOUND係香港一間好出名嘅錄音室,之前提過啲天皇L呀、XXX都喺Q SOUND錄音,我地當日去到嘅時候係一個鬼佬幫我地做,我話我地無錢架喎,要錄10首歌,佢問我地10個鐘夠唔夠?我話試下喇,我地就係10個鐘頭入面錄咗10首歌,錄完隻碟之後佢同我地講:[我真係好開心!因為依啲音樂係你地自己作,唱嘅時候勁有EMONTION,佢跟住話XXX尋日先嚟完錄音,佢嚟到先第一次見到啲歌詞,跟住就拎嚟唱,我見到依啲情況真係不停係咁講粗口!]
G:其實我覺得流行樂壇嘅衰落(MAN喺後面自我起哄:[成日瀨翻版!X你老味]),某程度會令到啲人諗:[佢地都係唔得架喇!不如試下聽其它野喇,試下一啲地下嘅野喇!],其實某程度上係俾咗啲機會我地。
MAN:啲人唔好成日瀨翻版喇,其實唔關翻版事,你睇人地LINKIN PARK賣過千萬,關翻版咩事啫?大陸夠平喇!又有翻版,一樣買到!關咩事啫?反醒下喇!唔關事架喎,X!而家啲海關都拉晒喇!X你!
BRIAN:阿MAN攞LINKIN PARK依啲超級大BAND嚟比又過份得濟(RIZ係後面又插嘴:[依啲咪HARDCORE嘅態度囉!],不過有樣野真係要諗下嘅!就係點解有人要買翻版先?點解會有人做依啲野,係我個人嘅立場,作歌同DUMP歌出嚟嘅都係唱片公司,成個MARKET係由你去帶動,你係PRODUCER嚟架麻,DUMP啲咩出嚟你係做第一個STEP架麻,唔好同我啲咩Q市場道理,總之係你負責做依單MUSIC,你咪試下全世界一齊做METAL囉?啲人實要聽架啱唔啱先?你係要做啲無聊嘅野出嚟嘅時候,聽來聽去都係聽果啲野嘅時候,人地咪迫住要DL囉、買翻版囉!所以我唔想果啲SO-CALL ARTIST成日BLAME人唔好買翻版,當然有部份歌手,例如DOCTOR E果啲成日會話:[I WILL DO MY BEST!],標榜自己會做好嘅音樂嘅人,我都會認同佢嘅,我地自己成日都話,做好自己果PART就DONT GIVE A SHIT!只要做好自己就可以。
RIZ:我覺得如果有啲有QUALITY嘅PRODUCT,自然會令到人想買,應該話會吸引到人肯花錢去買你依樣野,因為佢地覺得依個PRODUCT真係(正)喎,例如我地做嘅CD裏面會有BOOKLET,有中英翻譯講解每首歌想講啲咩,想帶出啲咩訊息,有時隻碟又會捐錢出嚟等等,如果大家肯用心去做多啲依類ACTION,唔多唔少都會令人去支持正版囉!果啲唱人地啲歌詞,唱歌又用AUTOTUNE嘅人,WHAT THE FCCK!我點解要俾錢你呀?我寧願DL囉,不過我都唔會DL,因為我唔會晒我啲時間同HARD DRIVE SPACE去裝你地啲音樂!SORRY!
W:照你咁講,你地有無諗住做啲咩去改變依個STIATITION?比如諗啲辦法去PUSH一啲野出去令到人地明白原來依個態度唔啱等等呢?
RIZ:我覺得好難,首先就係地下音樂無MEDIA SUPPORT,無MEDIA SUPPORT就做唔到野,你都唔夠錢去PROMOTE自己,BUT YOU HAVE TO LIVE ON YOUR MEDIA!要有MEDIA肯俾一頁你係好難嘅事,有嘅話或者可以做到SOMETHING,但係佢地都唔會每一期俾一頁你喇!仲有喎,一本雜誌成二百幾頁,你無理由講講下衫褲鞋、去邊到買?幾多錢?無端端整一頁出嚟講:[大家唔好買依啲野..],會有邊個聽你講呀?係咪?我地無FANINCIAL嘅RESOURES去真正改變成個社會現象,只係希望佢地會有一日反省,發現咁樣係唔得架喎!因為再係咁行落去係唔健康,對香港BAND同樂壇都唔健康,再係咁佢地真係會死架喎!
G:做好自己先囉!去PROVE俾人睇囉,無其它方法架喇,因為若果你話主動(溜)啲MEDIA去PROMOTE你嘅話,到時成個野都已經變咗質!又舉個例,我記得我地去SINGAPORE嘅時候,見到有對HARDCORE BAND叫STOMPIN' GROUND,佢地做咗19年,生存咗19年仲係到做緊,好明顯可以俾到人睇我地係可以做到一啲野出嚟囉!可能會令到好多人好感動,有好人會FOLLOW佢地去做依一樣野!都係果句,做好自己先囉!
MAN:當本地嘅流行音樂死都無得再死嘅時候,果啲所謂嘅公司、生意人自然要諗計去救一救,自然要開放個市場,或者EXPLORE多啲唔同類型嘅音樂,將佢地嘅收入保持返去一個水平,而家咪由得佢玩囉,家下安於現狀,不過總有一日佢地會需要走向依個開放嘅方向!
RIAN:無架!對我嚟講只會好OPEN咁俾多個OPTION人,你要KEEP住OPEN架麻,你唔會話人咁樣係錯定啱,我自己亦都唔想用一個錯定啱嘅方法去JUDGE人,我只會俾啲資料你去諗,你唔識諗咩?叫你去諗多啲囉!頂晒隆都只會叫你去諗!我唔會同你講你應該點做點做!我唔係一個咁嘅人囉,咁樣無意思架!咁樣同隻狗有咩分別啫?都無思想嘅!如果講MESSAGE,我頭先都講過,除咗盡量係HARDCORE裏面PASS一啲社會問題、環境問題之外,都想搞多啲FUNCTION、EVENT俾人去參與,當然我自己亦會做好個本份喇!盡量去做到OPEN,總之你鐘意咪嚟囉。
G:我地依家做緊嘅野,比如出碟呀、搞FUNCTION呀、出SHOW依啲野,就係想盡量做到有多啲野AVAILABLE俾你去參與、去聽!因為我地如果咩都唔做嘅話,就更加唔可以改變到啲咩,我地做咗啲野出嚟嘅時候,AT LEAST你可以選擇,你去唔去參與UP TO YOU,我地希望可以做到依樣野!
KING LY CHEE訪問下半部份(完) |
