KING LY CHEE荔枝王係本土地下樂壇嘅其中一支鐘樓底柱,由主音RIZ發起到依家都已經有7年時間,一直堅持玩真音樂、關心社會嘅精神,鼎盛HARDCORE有話直說嘅信念去唱出所想。雖然喺過去嘅時候相繼有隊員離去、加入,但咁樣並無減退KING LY CHEE心中嘅一團火,選擇用行動證明一切。以下係MADEinHK同荔枝王嘅一次訪問,根據現場對答流程而收錄,文中部份指名導姓嘅歌手明星名字經過修改。由於篇幅關係,荔枝王嘅訪問將會以上、下部份刊登。
荔枝王成員:
RIZ:主音及結他手,荔枝王發起人,與荔枝王風雨同路七年時間
G:女主音
MAN:鼓手
BRIAN:結他手
W:Will.C
W:啲人成日話香港係文化沙漠,請問你地對依句說話有咩睇法?本身又認唔認同?
RIZ:首先我覺得係分地上同地下,如果講地上嘅話我會認同依個講法,因為佢地實在無俾其它類形嘅音樂去發展,淨係得廣東POP,仲要係唔正嘅廣東POP,係一個有FORMULA嘅廣東POP,即係一個PRODUCT,做到好似一個化妝品咁樣,將佢變成一盤生意,每個月要出幾多貨先去COVER佢嘅EXPENSES,例如好似環球唱片公司咁樣,如果佢出啲CD好少人買嘅話,即係COVER唔到佢嘅EXPENSES,依個係一個好基本ECONOMIC嘅問題,變相令其它類型嘅音樂好難生存,MARKET細、唔夠人買即係唔會COVER到。相反,如果你講地下嘅話我就絕對唔認同,因為地下音樂會無依個RULE,無依個EXPECTATION,大家玩音樂唔係為搵食,只係為興趣,而我地KING LY CHEE嘅位置可以話係中間,唔係話為錢,但亦絕對唔係一個興趣咁簡單,應該話係一個好認真嘅興趣囉!所以講地下嘅話我係非常唔認同,地下有好多唔同類型嘅音樂,大家都係好有PASSION,有HIP-HOP、POP、ROCK、PUNK乜野都有。
MAN:如果講香港係咪文化沙漠嘅話,某程度上係囉!你睇番其它國家,佢地有發源PUNK、有HARDCORE、日本有VISUAL ROCK等等,好多地方都有形成自己嘅文化,而香港可以話只得外面嚟嘅文化,無屬於自己嘅獨有文化,唔算稱得上係一個文化發源地。不過,講到底香港係咪一個徹徹底底文化沙漠呢?其實又唔係架喎,因為的確有啲其它文化係到生存緊,但你問香港係咪一個生產文化嘅沙漠嘅話,我覺得係囉!我有咁嘅睇法係因為我覺得香港人做每一件事都唔係好專心、專注,導至唔可以做到一種自己ORGINAL嘅野出嚟,香港喺製造文化依方面真係幾沙漠。
G:先唔好講其它文化,企係我地依啲SUB-CULTURE、地下、另類嘅文化嘅立場,我對文化同SUB-CULTURE嘅定義係當個社會缺乏咗一啲野嘅時候,咁一班年青人就會出嚟做番啲野,去做一個CULTURE出嚟,做佢地想做嘅文化、表達自己聲音。香港係有唔同類型嘅音樂,因為唔同人都有自己想表達嘅聲音,不過好少人會將自己對生活嘅缺乏、不滿表達出嚟咁解,所以你可以話香港係一個文化沙漠,亦都可以話唔係文化沙漠,視乎唔同層面。
W:你地認為香港整體嚟講,明唔明白音樂依種語言?係香港嘅文化氣氛入面,能唔能夠培育到一班懂得音樂依種語言嘅人(音樂人)?
RIZ:如果講GENERAL PUBLIC,佢地明白音樂係咩,知道音樂唔係一樣唔簡單嘅野,知道音樂係有成個文化係到,例如JAZZ有自己文化、HIP-HOP有自己文化。但係同時間GENERAL PUBLIC會覺得我地好浪費時間,花咁多時候去夾BAND,咁有HEART去夾BAND,花咁多錢係啲架生上面,出TOUR都要自己俾錢買機票,啲人會問:[你點解要咁做?你唔洗要有啲SAVING咩?你第日結婚生仔,你唔想佢地有多啲保障咩?點照顧佢地呀?],依啲全部都係最典形香港人嘅想法囉,佢地知道玩音樂係無前途嘅,你賺唔到錢喎!我當然會明白佢地嘅睇法,我自己屋企人都係咁,我12歲開始夾BAND,佢地一直都無支持過,亦都無鼓勵過,佢地認為做依啲野無用喎,應該要學多啲野喎YOU KNOW!要返大學,讀大學嘅時候千祈唔好揀音樂,一定要讀BUSINESS,唔讀BUSINESS死梗架喎!我明白佢地BUT AT THE SAME TIME我諗香港文化要有一個好大嘅革命,特別係音樂市場上嘅革命,希望有心玩音樂嘅人有日可以做全職,由地下開始玩到大囉。另一方面,你睇番而家啲SHOW,佢地唔會俾番錢啲BAND架喎,如果有一隊話要收錢即刻會俾人勁插囉:[嘩!話自己係ROCK STAR喎!音樂係音樂呀YOU KNOW!係一樣好DIY嘅野!],但我覺得啲ORGANIZER如果賺到錢應該分番錢俾啲BAND,等佢地可以有錢買架生!可以UP GRADE自己!可以行到一條認真嘅道路,去到一個更高嘅LEVEL!
G:音樂的確係一種語言,可以用嚟表達到好多野,我地嘅音樂裏面亦都有想帶出啲訊息、一啲我地嘅信念。我而家睇到嘅情況係,大家都鐘意音樂,不過係聽完就算囉,當中嘅信念就帶唔到俾佢地,會聽不過唔代表會有心去明白我地。另一方面我睇到香港人嘅生活好簡單,就係為生活同湊仔,依種情況亦係令到我地難生存嘅原因之一,令到啲人覺得音樂只係一種興趣,唔會有啲咩理念係後面,香港係可以發展到好多音樂,但係再深層啲,好似話我地HARDCORE依啲就比難,始終個個都係話:[搵食要緊呀!]
MAN:我覺得香港整體嚟講,係明白音樂依種語言嘅,但係佢地只係明白一啲流行緊嘅音樂同歌詞,好老實講,啲人記得一首歌並唔係因為果首歌嘅AGRANGEMENT做成點,而係記得佢裏面嘅[做隻貓做隻狗],記得[戀愛就像感冒],記得[只想身體健康],唔會記得首歌背後嘅音樂係點樣,依個係我地香港整體嚟講嘅一個現象,導至只會培養到一啲以VOCAL、以歌詞ORIENTED嘅音樂,咁你話可唔可以培養到一班懂得音樂依個語言嘅人呢?如果你所講嘅音樂語言係單指歌詞上面嘅,我覺得都OK嘅,因為你睇番依家啲POP SONG除咗有情情塔塔之外,都有好多唔同類型嘅MESSAGE擺咗係入面,香港獨立嘅音樂人都帶到依樣野出嚟,唔單只愛情,而係真正用音樂去表達佢地想講嘅野,認真咁去用音樂作為一個語言,但如果你問出面嘅人知唔知依班人玩緊乜,佢彈緊嘅到底係咩呢?我覺得係香港依個情況,要了解到裏面嘅野係難啲囉。
BRIAN:基本上都同意你後半部嘅講法,我唔係咁覺啲人了解到音樂依個語言,可能寫果班人會了解到,但係GENERAL PUBLIC就未必會,點解呢?正如G同RIZ都講過,聽果班人可能好簡單,聽音樂只係為咗一個理由,就係舒服,當然依個亦係一個明白音樂嘅表現,但事實上音樂裏面仲有好多細分,有好多種唔同嘅音樂,比如JAZZ、HARDCORE、METAL等等,佢地入面係有成個CULTURE係到,咁啲人有無深入了解到呢?音樂係咪咁簡單,淨係為咗RELAX自己呢?我認為RELAX只係其中一個選擇,但背後仲有好多其它ENJOYMENT架喎。對於我自己嚟講,我夾BAND除咗係一種ENJOYMENT之外,最重要就係令我不斷諗野,令我會關心依個社會發生緊咩事,講到底我個人認為大部份嘅香港人,都係唔識得真正享受音樂,而真正懂得音樂亦只係佔好少數。
W:我想知道到底HARDCORE依一樣音樂係啲咩?佢嘅精神所在係點樣?你地又想喺HARDCORE MUSIC裏面講啲咩呢?
RIZ:依個好難解釋喎!不過可以講HARDCORE對我有咩IMPACT,記得我細嘅時候我已經知道我諗野係好獨立,係一個典形人,我意思唔係一個典形香港人,同果啲人地對咩有興趣,佢又對咩有興趣嘅人有好大分別,出面好大部份人係為咗錢而去做一啲野,而我就永遠都無諗過用錢去攞我嘅HAPPINESS,攞唔到架喎!FOR ME,我自己作歌、寫啲歌詞同彈結他,可以表達到自己已經好舒服,所以我同屋企人都好大距離,因為佢地係好傳統嘅巴基斯坦人,BUT我係一個係香港大嘅人,我唔認我係100%香港人,我唔認我係100%巴基斯坦人,我唔認我係100%鬼佬,因為我唔知自己應該企係邊到,出面啲人唔明白我嘅野,我同啲人溝通唔到,我只有自己同音樂,得音樂可以俾到我一個ESCAPE我,可以俾到我去發揮、俾我去RELAX,FOR ME因為我自己本身已經有啲咁嘅性格,所以當人地介紹HARDCORE俾我聽嘅時候,我見到啲歌詞好直接咁將社會嘅問題講晒出嚟,例如種族歧視、政府問題、啲人返工辛苦呀、要COMPROMISE自己身份等等,記得我13第一次接觸HARDCORE嘅時候,[OH MY FXXKING GOD!],諗點解之前無接觸過依啲野嘅?細個一開始淨係識聽MCDONXX,當聽到HARDCORE之後無再聽FXXKING MCDONXX同其它垃圾,就係咁極端淨聽METAL、HARDCORE FOR唔知幾多年,再做啲RESEARCH之後,發覺裏面係有成個CULTURE係到架喎,有班人鐘意依樣野,唔係單單止講緊音樂依樣野,而係用音樂俾個STRENGTH、俾個信心自己出去做啲野,出去搞FUNCTION、ORGANIZE一啲遊行同PROGRESS、ORGANIZE自己出碟、ORGANIZE佢地自己唱片公司,ORGANIZE自己好多野,係一個好正嘅DIY文化,好有POWER!所以我去完美國讀書係99年返嚟香港之後,就開始搞咗KING LY CHEE依本雜誌,我想俾人知道多個選擇,唔係淨係要聽POP咁簡單,俾佢地知道有HARDCORE依樣野,一個係PUNK演生出嚟嘅文化,一個再主動啲嘅文化,FOR ME如果再多啲香港人,WELL,應該話唔止香港人,直頭係全世界、全地球啲人都有依個機會明白HARDCORE依個咁主動嘅野,然後唔好再好似其它人咁NORMAL,淨係企係到話:[政府垃圾架!都唔知做咩嘅!一陣又話折皇后碼頭,標呢巴喇!],可能你自得自己做唔到啲咩出嚟,但係可以試下搞啲野,或者可以係網站同其他地方,作啲歌或者寫啲野出嚟等人知道你諗咩、想講啲咩!依個信念就係我嘅HARDCORE、我嘅SPIRIT!
G:HARDCORE對於我嚟講有兩個層面,係社會同大眾利益嘅方面,我地係以HARDCORE依種音樂去表達對社會嘅不滿,將所有社會發生緊嘅野寫番係歌裏面,用依個方法、文化去講我地想講嘅野、想表達嘅意見。第二個層面係PERSONAL啲嘅,我自己會覺得HARDCORE依樣野其實係一種生活嘅哲學,HARDCORE唔係一件咁簡單嘅事情,例如你係生活裏面遇到困難時,HARDCORE音樂可以俾到一種正面嘅能量你去繼續前進、繼續去實踐自己嘅信念、堅持你自己想做嘅野,因為HARDCORE音樂就係要表達依一樣野,去團結、去LIVE OUR LIFE IN OUR OWN WAY,條路點行係由自己控制!如果要講一個聽HARDCORE同唔聽HARDCORE嘅人嘅分別,我認為無聽嘅人會比較易容妥協,好多野都會:[算喇算喇!係咁架喇,唯有妥協囉..],而一個聽HARDCORE嘅人就認為唔可以咁容易放棄,會為自己鐘意做嘅野堅持到底!係一個正面嘅表達方式同態度,我地希望我地嘅HARDCORE一樣可以俾到依個訊息人,希望可以感染到其它人。
MAN:我唔知咩叫HARDCORE喎,特別係依隊BAND入裏,我比佢地更加唔知咩叫HARDCORE囉,由其我係會去聽xxx嘅演唱會同去DJ TIESTO嘅FING頭PARY,對於我嚟講真係唔係好知咩叫HARDCORE,但係阿RIZ就成日同我講:[好HARDCORE!你知唔知咁樣好HARDCORE呀!],又例如我同佢講:[我依條褲著咗10年,買咗30蚊,幾平呀!仲有我唔著名架喎!是旦喇!],跟住阿RIZ就會同我講:[你咁樣好HARDVORE呀!]如果講咩叫HARDCORE嘅話,問阿RIZ同阿G就最清楚,問我就晒X氣!
BRIAN:簡單嚟講,HARDCORE係我嘅立場上面將會係一個CYCLE,就係TO READ! TO DO! TO REFUSE!係一個不斷嘅循環。
RIZ:我想補充一樣野,細個時話講FXXKING MCDONXX係唔多尊重,後來大個咗自然更識得尊重人、尊重其它音樂。
W:你地認為HARDCORE MUSIC係香港嘅發展會係點?會唔會越嚟越多人追隨依個信念呢?
RIZ:有一排我覺得有希望(奸笑...),但係而家真係唔知喇,我一直都係咁諗囉,阿MAN上年先入KING LY CHEE,佢知道啲人對我地嘅反應之前係勁啲,而家係香港支持我地嘅人好似無咗咁熱情,佢有時都問我落咗去依個位應該做啲咩?首先我地依家都諗緊點解會出現啲咁嘅情況,第二就係諗點樣可以返去果個位置,俾多啲人知道我地隊BAND係到,今年我為咗依個問題都有出番我本雜誌,不過出咗一期就停咗,因為真係唔夠時候去做依樣野,我地希望有多啲人知道有HARDCORE係咩?跟住俾佢地諗下會唔會開一隊BAND,幫HARDCORE做番啲野出嚟,依啲全部都係UP TO YOU!我地永遠都唔想迫人聽KING LY CHEE只係希望佢地知道有依啲咁嘅野係到。
G:理想啲嚟講,HARDCORE係關於希望,KING LY CHEE7年嚟都經歷咗好多起落,發展緩慢之餘,亦有人因為大個咗、多咗野做而離開咗,例如要為搵食、養家等等,但我自己本身就唔會諗住放棄。每個年代都有新一代人,佢地會唔會追隨我地唔敢講,但我只知我地係有希望嘅,至少我地會繼續做落去,或者應該話無人支持都一樣會做落去!
KING LY CHEE訪問上半部份(完) |
